ḳhud tiis kā hai aur dulhan saaTh baras kī

girtī huī dīvār ke saa.e meñ khaḌā hai

KHud tis ka hai aur dulhan saTh baras ki

girti hui diwar ke sae mein khaDa hai

be-vaqūfī ke anokhe kārnāme dekh kar

achchhe-ḳhāse leaderoñ ko bhī gadhā kahnā paḌā

be-waqufi ke anokhe karname dekh kar

achchhe-KHase leaderon ko bhi gadha kahna paDa

apnī shohrat kī alag raah nikālī ham ne

kisī dīvāñ se ġhazal koī churā lī ham ne

apni shohrat ki alag rah nikali hum ne

kisi diwan se ghazal koi chura li hum ne

merā sasurāl meñ koī bhī taraf-dār nahīñ

un ke hoñToñ pe bhī taale haiñ ḳhudā ḳhair kare

mera sasural mein koi bhi taraf-dar nahin

un ke honTon pe bhi tale hain KHuda KHair kare

netā kā da.avā sun ke maiñ ye sochne lagā

qurbānī kankaTe kī to yaaro harām hai

neta ka dawa sun ke main ye sochne laga

qurbani kankaTe ki to yaro haram hai