ḳhudā kā shukr pareshāniyāñ milīñ ham ko

vagarna bachche hī rahte baḌe na ho paate

KHuda ka shukr pareshaniyan milin hum ko

wagarna bachche hi rahte baDe na ho pate

mire ḳhat ko agar paḌhnā zarā sā ġhaur se paḌhnā

mire ḳhat meñ shikāyat ke 'alāva bhī bahut kuchh hai

mere KHat ko agar paDhna zara sa ghaur se paDhna

mere KHat mein shikayat ke 'alawa bhi bahut kuchh hai

agar na toḌtā baisākhiyāñ hamārī samay

ham apne pairoñ pe shāyad khaḌe na ho paate

agar na toDta baisakhiyan hamari samay

hum apne pairon pe shayad khaDe na ho pate

dekhte haiñ ki mohabbat meñ taraqqī kyā ho

ik barahman ne kahā hai ki ye saal achchhā hai

dekhte hain ki mohabbat mein taraqqi kya ho

ek barahman ne kaha hai ki ye sal achchha hai

mujh se kaise nibhāogī bolo

mere hisse meñ jā.edād nahīñ

mujh se kaise nibhaogi bolo

mere hisse mein jaedad nahin