کسی کی راہ میں کانٹے کسی کی راہ میں پھول

ہماری راہ میں طوفاں ہے دیکھیے کیا ہو

غم کی توہین نہ کر غم کی شکایت کر کے

دل رہے یا نہ رہے عظمت غم رہنے دے

مدتوں بعد جو اس راہ سے گزرا ہوں قمرؔ

عہد رفتہ کو بہت یاد کیا ہے میں نے

جس قدر جذب محبت کا اثر ہوتا گیا

عشق خود ترک و طلب سے بے خبر ہوتا گیا

یوں نہ ملنے کے سو بہانے ہیں

ملنے والے کہاں نہیں ملتے

لذت درد جگر یاد آئی

پھر تری پہلی نظر یاد آئی

حرف آنے نہ دیا عشق کی خودداری پر

کام ناکام تمنا سے لیا ہے میں نے

منزلوں کے نشاں نہیں ملتے

تم اگر ناگہاں نہیں ملتے

دیر و کعبہ سے جو ہو کر گزرے

دوست کی راہ گزر یاد آئی

قدم اٹھے بھی نہیں بزم ناز کی جانب

خیال ابھی سے پریشاں ہے دیکھیے کیا ہو