kisī kī raah meñ kāñTe kisī kī raah meñ phuul

hamārī raah meñ tūfāñ hai dekhiye kyā ho

kisi ki rah mein kanTe kisi ki rah mein phul

hamari rah mein tufan hai dekhiye kya ho

ġham kī tauhīn na kar ġham kī shikāyat kar ke

dil rahe yā na rahe azmat-e-ġham rahne de

gham ki tauhin na kar gham ki shikayat kar ke

dil rahe ya na rahe azmat-e-gham rahne de

muddatoñ baad jo is raah se guzrā huuñ 'qamar'

ahd-e-rafta ko bahut yaad kiyā hai maiñ ne

muddaton baad jo is rah se guzra hun 'qamar'

ahd-e-rafta ko bahut yaad kiya hai main ne

jis qadar jazb-e-mohabbat kā asar hotā gayā

ishq ḳhud tark o talab se be-ḳhabar hotā gayā

jis qadar jazb-e-mohabbat ka asar hota gaya

ishq KHud tark o talab se be-KHabar hota gaya

yuuñ na milne ke sau bahāne haiñ

milne vaale kahāñ nahīñ milte

yun na milne ke sau bahane hain

milne wale kahan nahin milte

lazzat-e-dard-e-jigar yaad aa.ī

phir tirī pahlī nazar yaad aa.ī

lazzat-e-dard-e-jigar yaad aai

phir teri pahli nazar yaad aai

harf aane na diyā ishq kī ḳhuddārī par

kaam nākām tamannā se liyā hai maiñ ne

harf aane na diya ishq ki KHuddari par

kaam nakaam tamanna se liya hai main ne

manziloñ ke nishāñ nahīñ milte

tum agar nā-gahāñ nahīñ milte

manzilon ke nishan nahin milte

tum agar na-gahan nahin milte

dair o kaaba se jo ho kar guzre

dost kī rāhguzar yaad aa.ī

dair o kaba se jo ho kar guzre

dost ki rahguzar yaad aai

qadam uThe bhī nahīñ bazm-e-nāz kī jānib

ḳhayāl abhī se pareshāñ hai dekhiye kyā ho

qadam uThe bhi nahin bazm-e-naz ki jaanib

KHayal abhi se pareshan hai dekhiye kya ho