qismat to dekh TuuTī hai jā kar kahāñ kamand

kuchh duur apne haath se jab baam rah gayā

qismat to dekh TuTi hai ja kar kahan kamand

kuchh dur apne hath se jab baam rah gaya

TuuTā jo ka.aba kaun sī ye jā-e-ġham hai shaiḳh

kuchh qasr-e-dil nahīñ ki banāyā na jā.egā

TuTa jo kaba kaun si ye ja-e-gham hai shaiKH

kuchh qasr-e-dil nahin ki banaya na jaega

zālim tū merī sāda-dilī par to rahm kar

rūThā thā tujh se aap hī aur aap man gayā

zalim tu meri sada-dili par to rahm kar

ruTha tha tujh se aap hi aur aap man gaya

duniyā meñ ham rahe to ka.ī din pa is tarah

dushman ke ghar meñ jaise koī mehmāñ rahe

duniya mein hum rahe to kai din pa is tarah

dushman ke ghar mein jaise koi mehman rahe

koī din aage bhī zāhid ajab zamāna thā

har ik mohalle kī masjid sharāb-ḳhāna thā

koi din aage bhi zahid ajab zamana tha

har ek mohalle ki masjid sharab-KHana tha