kahīñ zamīñ se ta.alluq na ḳhatm ho jaa.e

bahut na ḳhud ko havā meñ uchhāliye sāhib

kahin zamin se talluq na KHatm ho jae

bahut na KHud ko hawa mein uchhaaliye sahib

ek din bhīge the barsāt meñ ham tum donoñ

ab jo barsāt meñ bhīgoge to yaad ā.ūñgā

ek din bhige the barsat mein hum tum donon

ab jo barsat mein bhigoge to yaad aaunga

baiThe raho kuchh der abhī aur muqābil

armān abhī dil ke hamāre nahīñ nikle

baiThe raho kuchh der abhi aur muqabil

arman abhi dil ke hamare nahin nikle

maiñ thā kisī kī yaad thī jām-e-sharāb thā

ye vo nashist thī jo sahar tak jamī rahī

main tha kisi ki yaad thi jam-e-sharab tha

ye wo nashist thi jo sahar tak jami rahi