jitnī baTnī thī baT chukī ye zamīñ

ab to bas āsmān baaqī hai

jitni baTni thi baT chuki ye zamin

ab to bas aasman baqi hai

yahāñ har shaḳhs har pal hādsa hone se Dartā hai

khilaunā hai jo miTTī kā fanā hone se Dartā hai

yahan har shaKHs har pal hadsa hone se Darta hai

khilauna hai jo miTTi ka fana hone se Darta hai

maiñ ne to ba.ad meñ toḌā thā ise

ā.īna mujh pe hañsā thā pahle

main ne to baad mein toDa tha ise

aaina mujh pe hansa tha pahle

mire dil ke kisī kone meñ ik ma.asūm sā bachcha

baḌoñ kī dekh kar duniyā baḌā hone se Dartā hai

mere dil ke kisi kone mein ek masum sa bachcha

baDon ki dekh kar duniya baDa hone se Darta hai

ye jo zindagī kī kitāb hai ye kitāb bhī kyā kitāb hai

kahīñ ik hasīn sā ḳhvāb hai kahīñ jān-levā azaab hai

ye jo zindagi ki kitab hai ye kitab bhi kya kitab hai

kahin ek hasin sa KHwab hai kahin jaan-lewa azab hai