ḳhud tarāshnā patthar aur ḳhudā banā lenā

aadmī ko aatā hai kyā se kyā banā lenā

KHud tarashna patthar aur KHuda bana lena

aadmi ko aata hai kya se kya bana lena

tumhārī raah meñ āñkheñ bichhā.e baiThā huuñ

tumhāre aane kī hālāñki koī aas nahīñ

tumhaari rah mein aankhen bichhae baiTha hun

tumhaare aane ki haalanki koi aas nahin

zindagī kā bhī kiyā bharosā hai

zindagī kī qasam bhī kyā khā.ūñ

zindagi ka bhi kiya bharosa hai

zindagi ki qasam bhi kya khaun

hamārā dil to ġham meñ bhī ḳhushī mahsūs kartā hai

vahī mushkil meñ rahte haiñ jo ġham ko ġham samajhte haiñ

hamara dil to gham mein bhi KHushi mahsus karta hai

wahi mushkil mein rahte hain jo gham ko gham samajhte hain

har ik kī hai pasand apnī har ik kā hai mizāj apnā

vafā mujh ko pasand aa.ī pasand aa.ī jafā us ko

har ek ki hai pasand apni har ek ka hai mizaj apna

wafa mujh ko pasand aai pasand aai jafa us ko