kabhī un ko miltī nahīñ koī manzil

badalte haiñ jo har qadam par irāde

kabhi un ko milti nahin koi manzil

badalte hain jo har qadam par irade

ai chashm-e-iltifāt ke maare hue sambhal

ye husn-e-ittifāq hai husn-e-nazar nahīñ

ai chashm-e-iltifat ke mare hue sambhal

ye husn-e-ittifaq hai husn-e-nazar nahin

un ke liye uThā.īñ tabassum kī zahmateñ

lenā paḌā ḳhushī kā sahārā kabhī kabhī

un ke liye uThain tabassum ki zahmaten

lena paDa KHushi ka sahaara kabhi kabhi

dam bhar agar nasīb ho fursat to poñchh lo

peshāniyoñ pe gard-e-safar hai musāfiro

dam bhar agar nasib ho fursat to ponchh lo

peshaniyon pe gard-e-safar hai musafiro

sarf-e-sujūd kar ke jabīn-e-nazar ko maiñ

me.arāj de rahā huuñ tire sañg-e-dar ko maiñ

sarf-e-sujud kar ke jabin-e-nazar ko main

mearaj de raha hun tere sang-e-dar ko main