ab zabāñ tak aa ga.iiñ hai talḳhiyāñ

ab hameñ fauran nikalnā chāhiye

ab zaban tak aa gain hai talKHiyan

ab hamein fauran nikalna chahiye

abhī manzar badalte hī badal jā.eñge sab chehre

bichhaḌte vaqt kā ġham hai abhī tū nam na kar āñkheñ

abhi manzar badalte hi badal jaenge sab chehre

bichhaDte waqt ka gham hai abhi tu nam na kar aankhen

kisī bhī hashr se mahrūm hī rahā vo bhī

mirī tarah kā jo kirdār thā kahānī meñ

kisi bhi hashr se mahrum hi raha wo bhi

meri tarah ka jo kirdar tha kahani mein

dil kī baazī aisī baazī hai jis meñ ham

hāreñ bhī to jiit manā.ī jā saktī hai

dil ki bazi aisi bazi hai jis mein hum

haaren bhi to jit manai ja sakti hai

tirī nazroñ se guzrī rahguzar bhī

hazāroñ manziloñ kā rāsta hai

teri nazron se guzri rahguzar bhi

hazaron manzilon ka rasta hai