vo jis ko ham ne apnaayaa bahut hai usii ne dil ko ta.Dpaayaa bahut hai hamaare qatl kii saazish ke darpai hamaaraa nek ham-saaya bahut hai dil-e-dard-aashnaa shauq-e-shahaadat mohabbat me.n ye sarmaaya bahut hai ajab shai hai chaman-zaar-e-tamannaa samar ko.ii nahii.n saaya bahut hai KHataa us kii nahii.n dil ko hamii.n ne tamannaa.o.n me.n uljhaayaa bahut hai KHudaa mahfuuz rakhe aasmaa.n ko zamii.n ko is ne jhulsaayaa bahut hai tirii yaad aa.ii hai to aaj ham ko dil-e-gum-gashta yaad aayaa bahut hai ba-naam-e-hazrat-e-naaseh bhii ik jaam ki us ne va.az farmaayaa bahut hai na kyuu.n Thukraa.e.n ham duniyaa ko 'saahir' hame.n bhii us ne Thukraayaa bahut hai

Gam kaa sahraa na milaa dard kaa dariyaa na milaa ham ne marnaa bhii jo chaahaa to vasiila na milaa muddato.n baa'd jo aa.iine me.n jhaa.nkaa ham ne itne chehre the vahaa.n apnaa hii chehra na milaa qatl kar ke vo Ganiimo.n ko jo vaapas aa.e apne hii ghar me.n unhe.n ko.ii shanaasaa na milaa ham bhii jaa nikle the suuraj ke nagar me.n ik din vo a.ndheraa thaa vahaa.n apnaa bhii saaya na milaa tishna-lab yuu.n to zamaane me.n kabhii ham na rahe pyaas jo dil kii bujhaa detaa vo dariyaa na milaa mil ga.e ham ko sanam-KHaano.n me.n kitne hii KHudaa Dhuu.nDne par ko.ii banda hii KHudaa kaa na milaa aap ke shahr me.n pe.Do.n kaa nahii.n ko.ii shumaar do gha.Dii rukne ko lekin kahii.n saaya na milaa sabz patto.n se milaa ham ko bahaaro.n kaa suraaG shaaKH-e-naazuk pe magar ko.ii shaguufa na milaa mustahaq ham tirii rahmat ke na hone paa.e terii duniyaa me.n ko.ii 'uzr KHataa kaa na milaa KHud-numaa.ii ke bhii is daur me.n ham ko 'saahir' ko.ii qaatil na milaa ko.ii masiihaa na milaa