شہبازؔ میں عیب ہی نہیں کل

ایک آدھ کوئی ہنر بھی ہوگا

دل تو دل افعئ گیسو وہ بلا ہے کافر

اس کا کاٹا کوئی افعی بھی نہ پانی مانگے

شب فراق کا چھایا ہوا ہے رعب ایسا

بلا بلا کے تھکے ہم قضا نہیں آئی

خدا نے منہ میں زبان دی ہے تو شکر یہ ہے کہ منہ سے بولو

کہ کچھ دنوں میں نہ منہ رہے گا نہ منہ میں چلتی زباں رہے گی

انجام خوشی کا دنیا میں سچ کہتے ہو غم ہوتا ہے

ثابت ہے گل اور شبنم سے جو ہنستا ہے وہ روتا ہے

ہم رو رو اشک بہاتے ہیں وہ طوفاں بیٹھے اٹھاتے ہیں

یوں ہنس ہنس کر فرماتے ہیں کیوں مرد کا نام ڈبوتا ہے

مٹی کا ہی گھر نہ ہوگا برباد

مٹی ترے تن کا گھر بھی ہوگا