ایس کا امتحان پاس کیا اور آج کل بطور ڈپٹی کمشنر انلینڈ ریونیو، راولپنڈی اپنی خدمات انجام دے رہی ہیں۔ آپ کو لکھنے پڑھنے کا شوق زمانۂ طالب علمی سے رہا ہے،  یونیورسٹی سے بہترین ڈارمہ رائٹر اور بہترین اداکارہ کا ایوارڈ اپنے نام کر چکیں ہیں، آپ نے ابتداء میں نظمیں کہیں مگر اب مکمل رجحان غزل کی طرف ہے، میر، فیض، ن م راشد، ثروت حسین آپ کے پسندیدہ شعراء میں شامل ہیں، یوں تو نوجوان نسل نے غزل کا روگ پال لیا ہے مگر سیماب ظفر کی غزل ان کے معاصرین میں بالکل جدا نظر آتی ہے، ان کا رنگ ان کا ڈھنگ ان کا اپنا ہے،آپ شعر کہنے کے  ہنر سے بہ خوبی آگاہ ہیں، ان کے  کلام سے یہ بات واضح ہوتی ہے کہ سیماب ظفر معیار سے کم پر ترجیح نہیں دیتیں یہی آپ کا خاصہ ہے جو کہ دیگر شعراء سے آپ کو ممتاز رکھتا ہے۔