terī zulfeñ tire aariz tirī āñkheñ tire lab

maiñ zamīñdār huuñ ye sab mirī jāgīreñ haiñ

teri zulfen tere aariz teri aankhen tere lab

main zamindar hun ye sab meri jagiren hain

sone vāloñ ko jagānā to hai āsān magar

jāgne vāloñ ko kis tarah jagāyā jaa.e

sone walon ko jagana to hai aasan magar

jagne walon ko kis tarah jagaya jae

zindagī biit ga.ī ginte hue tārīḳheñ

khā ga.ī vaqt kī dīvār calendar kitne

zindagi bit gai ginte hue tariKHen

kha gai waqt ki diwar calendar kitne

ye baat munsifoñ meñ abhī zer-e-ġhaur hai

patthar ko maiñ lagā huuñ ki patthar lagā mujhe

ye baat munsifon mein abhi zer-e-ghaur hai

patthar ko main laga hun ki patthar laga mujhe