tujhe is gaañv se jaanā hai ik din

havelī kyuuñ banānā chāhtā hai

tujhe is ganw se jaana hai ek din

haweli kyun banana chahta hai

mājhī ne Duboyā hai lahroñ ne uchhālā hai

gardish ke samundar kā dastūr nirālā hai

majhi ne Duboya hai lahron ne uchhaala hai

gardish ke samundar ka dastur nirala hai

is rañg badaltī duniyā meñ pahchān baḌī hī mushkil hai

ye kis ko ḳhabar hai ai 'shāhid' kis bhes meñ kaun luTerā hai

is rang badalti duniya mein pahchan baDi hi mushkil hai

ye kis ko KHabar hai ai 'shahid' kis bhes mein kaun luTera hai

muflisoñ kī bastī ko bekasī ne gherā hai

har taraf udāsī hai zulmatoñ kā Derā hai

muflison ki basti ko bekasi ne ghera hai

har taraf udasi hai zulmaton ka Dera hai

terī fayyāzī ke the charche bahut maiñ ne sune

phir bhī tere mai-kade se tishna-kām aayā huuñ maiñ

teri fayyazi ke the charche bahut main ne sune

phir bhi tere mai-kade se tishna-kaam aaya hun main