Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر
Shahid Meer's Photo'

ہندوستانی موسیقی کے ماہر اور گلوکار

ہندوستانی موسیقی کے ماہر اور گلوکار

شاہد میر کے دوہے

748
Favorite

باعتبار

جیون جینا کٹھن ہے وش پینا آسان

انساں بن کر دیکھ لو او شنکرؔ بھگوان

ہر اک شے بے میل تھی کیسے بنتی بات

آنکھوں سے سپنے بڑے نیند سے لمبی رات

ذہن میں تو آنکھوں میں تو دل میں ترا وجود

میرا تو بس نام ہے ہر جا تو موجود

کاغذ پر لکھ دیجئے اپنے سارے بھید

دل میں رہے تو آنچ سے ہو جائیں گے چھید

آنگن ہے جل تھل بہت دیواروں پر گھاس

گھر کے اندر بھی ملا شاہدؔ کو بنواس

تعطیلیں رخصت ہوئیں کھلے سبھی اسکول

سڑکوں پر کھلنے لگے پیارے پیارے پھول

شاہدؔ لکھنا ہے مجھے یہ کس کی تعریف

ڈرا ڈرا سا قافیہ سہمی ہوئی ردیف

شب گزری بجھنے لگا روشنیوں کا شہر

لوٹی ساحل کی طرف تھکی تھکی اک لہر

درد ہے دولت کی طرح غم ٹھہرا جاگیر

اپنی اس جاگیر میں خوش ہیں شاہدؔ میر

راس آئی کچھ اس طرح شبدوں کی جاگیر

شاہدؔ پیچھے رہ گئے آگے بڑھ گئے میرؔ

Recitation

Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

GET YOUR PASS
بولیے