ik umr tak maiñ us kī zarūrat banā rahā

phir yuuñ huā ki us kī zarūrat badal ga.ī

ek umr tak main us ki zarurat bana raha

phir yun hua ki us ki zarurat badal gai

badlā jo vaqt gahrī rifāqat badal ga.ī

sūraj Dhalā to saa.e kī sūrat badal ga.ī

badla jo waqt gahri rifaqat badal gai

suraj Dhala to sae ki surat badal gai

hamāre paas sunāne ko kuchh nahīñ 'fahmī'

hameñ to ḳhvāb bhī dekhe hue zamāna huā

hamare pas sunane ko kuchh nahin 'fahmi'

hamein to KHwab bhi dekhe hue zamana hua

āḳhrī bas hai aur nikalne vaalī hai

aa jaao ik seat barābar ḳhālī hai

aaKHri bas hai aur nikalne wali hai

aa jao ek seat barabar KHali hai

shahr kī hālat itnī bhī maḳhdūsh nahīñ

dekho maiñ ne aaj bhī jaan bachā lī hai

shahr ki haalat itni bhi maKHdush nahin

dekho main ne aaj bhi jaan bacha li hai