abhī to dil meñ halkī sī ḳhalish mahsūs hotī hai

bahut mumkin hai kal is kā mohabbat naam ho jaa.e

abhi to dil mein halki si KHalish mahsus hoti hai

bahut mumkin hai kal is ka mohabbat nam ho jae

mohabbat ma.anī o alfāz meñ laa.ī nahīñ jaatī

ye vo nāzuk haqīqat hai jo samjhā.ī nahīñ jaatī

mohabbat mani o alfaz mein lai nahin jati

ye wo nazuk haqiqat hai jo samjhai nahin jati

sunñe meñ aa rahe haiñ masarrat ke vāqi.āt

jamhūriyat kā husn numāyāñ hai āj-kal

sunne mein aa rahe hain masarrat ke waqiat

jamhuriyat ka husn numayan hai aaj-kal

tamannā hai yahī dil kī vahīñ chaliye vahīñ chaliye

vo mahfil aah jis mahfil meñ duniyā luT ga.ī apnī

tamanna hai yahi dil ki wahin chaliye wahin chaliye

wo mahfil aah jis mahfil mein duniya luT gai apni

ye baazī mohabbat kī baazī hai nādāñ

ise jītnā hai to haare chalā jā

ye bazi mohabbat ki bazi hai nadan

ise jitna hai to haare chala ja