nāḳhudā maujoñ kī is narm-ḳhirāmī pe na jā

yahī maujeñ to badal jaatī haiñ tūfānoñ meñ

naKHuda maujon ki is narm-KHirami pe na ja

yahi maujen to badal jati hain tufanon mein

numūd-e-sub.h se shab kī vo tīrgī to ga.ī

ye aur baat ki sūraj meñ raushnī kam hai

numud-e-subh se shab ki wo tirgi to gai

ye aur baat ki suraj mein raushni kam hai

allāh allāh ye hañgāma-e-paikār-e-hayāt

ab vo āvāz bhī dete haiñ to sunte nahīñ ham

allah allah ye hangama-e-paikar-e-hayat

ab wo aawaz bhi dete hain to sunte nahin hum

kyā kaheñ bazm meñ kuchh aisī jagah baiThe haiñ

jām-e-mai hādsa ban jaa.e to ham tak pahuñche

kya kahen bazm mein kuchh aisi jagah baiThe hain

jam-e-mai hadsa ban jae to hum tak pahunche

hukm-e-lab-bandī faroġh-e-dāstāñ bantā gayā

zaḳhm ko jitnā dabāyā ḳhūñ-chakāñ bantā gayā

hukm-e-lab-bandi farogh-e-dastan banta gaya

zaKHm ko jitna dabaya KHun-chakan banta gaya