شہروں کے سارے جنگل گنجان ہو گئے ہیں

پھر لوگ میرے اندر سنسان ہو گئے ہیں

دور تک یہ راستے خاموش ہیں

دور تک ہم خود کو سنتے جائیں گے

دکھوں کے روپ بہت اور سکھوں کے خواب بہت

ترا کرم ہے بہت پر مرے عذاب بہت

اس خوبیٔ قسمت پہ مجھے ناز بہت ہے

وہ شخص مری جاں کا طلب گار ہوا ہے

مجھے عزیز ہے بے احتیاطیٔ سادہ

نہ شوق ہے نہ ہنر اس کو آزمانے کا

ٹوٹی ہے یہ کشتی تو مرے ساتھ سفر کو

وہ جان مسافت مرا تیار ہوا ہے

لمحۂ امکان کو پہلو بدلتے دیکھنا

آتش بے رنگ میں خود کو پگھلتے دیکھنا

فریب قرب یار ہو کہ حسرت سپردگی

کسی سبب سے دل مجھے یہ بے قرار چاہئے

غم زمانہ جب نہ ہو غم وجود ڈھونڈ لوں

کہ اک زمین جاں جو ہے وہ داغ دار چاہئے