maiñ ne ye soch ki nimTā liye apne jhagḌe

aur uljheñge agar aa ga.e suljhāne log

main ne ye soch ki nimTa liye apne jhagDe

aur uljhenge agar aa gae suljhane log

jis kī auqāt dekhnī ho mujhe

us ko thoḌā sā bhaao detī huuñ

jis ki auqat dekhni ho mujhe

us ko thoDa sa bhao deti hun

jab jahāñ chāhoge fursat se mileñge tum ko

log nāyāb nahīñ hote haiñ Thukrā.e hue

jab jahan chahoge fursat se milenge tum ko

log nayab nahin hote hain Thukrae hue

lab haiñ ehsās-e-kamtarī kā shikār

us ko darkār haiñ mirī āñkheñ

lab hain ehsas-e-kamtari ka shikar

us ko darkar hain meri aankhen

vo kabhī dhoka nahīñ khā.egā

bevafā banda-shanās aaj bhī hai

wo kabhi dhoka nahin khaega

bewafa banda-shanas aaj bhi hai

kis tarah ġhair se maiñ der kā shikva kartī

merī mahfil meñ mire log nahīñ aa.e hue

kis tarah ghair se main der ka shikwa karti

meri mahfil mein mere log nahin aae hue

mire bāġhāt se maalī hai ġhā.eb

sabhī ilzām aatā hai ḳhizāñ par

mere baghat se mali hai ghaeb

sabhi ilzam aata hai KHizan par

is tarah baat hī kyoñ karte ho

ki nasīhat ko bhī tā'na samjhūñ

is tarah baat hi kyon karte ho

ki nasihat ko bhi ta'na samjhun

makāñ to ḳhair bante rah ga.e haiñ

hamāre paas naqshe rah ga.e haiñ

makan to KHair bante rah gae hain

hamare pas naqshe rah gae hain

tū aisā chāñd hai jis ne chamak kar

kisī kī zindagī tārīk kī hai

tu aisa chand hai jis ne chamak kar

kisi ki zindagi tarik ki hai

maiñ jo āñkhoñ ko ghaav detī huuñ

pāniyoñ ko bahāo detī huuñ

main jo aankhon ko ghaw deti hun

paniyon ko bahao deti hun

muflisī aa maiñ tirā peT bharūñ

aa mire jism pe maas aaj bhī hai

muflisi aa main tera peT bharun

aa mere jism pe mas aaj bhi hai