zabāñ ḳhāmosh magar nazroñ meñ ujālā dekhā

us kā iz.hār-e-mohabbat bhī nirālā dekhā

zaban KHamosh magar nazron mein ujala dekha

us ka izhaar-e-mohabbat bhi nirala dekha

yuuñ achānak na zulfeñ bikherā karo

dil to nādān hai bahak bhī saktā hai

yun achanak na zulfen bikhera karo

dil to nadan hai bahak bhi sakta hai

aaj kī raat mujhe hosh meñ rahne do abhī

aaj kī raat koī āñkhoñ se pilā.egā mujhe

aaj ki raat mujhe hosh mein rahne do abhi

aaj ki raat koi aankhon se pilaega mujhe

zarā sambhalūñ bhī to vo āñkhoñ se pilā detā hai

merā mahbūb mujhe hosh meñ rahne nahīñ detā

zara sambhalun bhi to wo aankhon se pila deta hai

mera mahbub mujhe hosh mein rahne nahin deta

is qadar TuuT kar merī nazroñ meñ na dekho varna

tumhārī nazroñ ko merī nazroñ kī nazar na lag jaa.e

is qadar TuT kar meri nazron mein na dekho warna

tumhaari nazron ko meri nazron ki nazar na lag jae

maza to ishq kā tab hai ki ek pal ko sahī

jhukī nazar vo uThā deñ aur maiñ salām karūñ

maza to ishq ka tab hai ki ek pal ko sahi

jhuki nazar wo uTha den aur main salam karun

nādān merā dil bahak jaa.e na kahīñ

shānoñ pe gesūoñ ko bikherā na kījiye

nadan mera dil bahak jae na kahin

shanon pe gesuon ko bikhera na kijiye