aayā koī sailāb kahānī meñ achānak

aur ghul ga.e paanī meñ vo kirdār namak ke

aaya koi sailab kahani mein achanak

aur ghul gae pani mein wo kirdar namak ke

jis pal tujh se duur huā kartā huuñ maiñ

us pal terī saḳht zarūrat hotī hai

jis pal tujh se dur hua karta hun main

us pal teri saKHt zarurat hoti hai

maiñ ne mehnat se sab kamā.e haiñ

mere dukh haiñ sabhī halāl ke dukh

main ne mehnat se sab kamae hain

mere dukh hain sabhi halal ke dukh

palaT ke sang tirī aur pheñk saktā huuñ

ki maiñ vo qais nahīñ huuñ jo maar khā jaa.e

palaT ke sang teri aur phenk sakta hun

ki main wo qais nahin hun jo mar kha jae

yaqīn kar vo tire paas lauT aa.egā

jab us kā uThne lagegā yaqīn logoñ se

yaqin kar wo tere pas lauT aaega

jab us ka uThne lagega yaqin logon se