yā to ḳhud ko sipurd-e-'ishq na kar

yā jo hotā hai phir malāl na pūchh

ya to KHud ko sipurd-e-'ishq na kar

ya jo hota hai phir malal na puchh

ai sakhī likh diye haiñ naam un ke

rang holī ke giit phāgun ke

ai sakhi likh diye hain nam un ke

rang holi ke git phagun ke

hāsil-e-zindagī hai vo lamha

jab tū mujh se lipaT ke royā thā

hasil-e-zindagi hai wo lamha

jab tu mujh se lipaT ke roya tha

phir chhū gayā hai pyaar se koī zamīn-e-dil

khilne lage haiñ dasht meñ phir mogre ke phuul

phir chhu gaya hai pyar se koi zamin-e-dil

khilne lage hain dasht mein phir mogre ke phul

zindagī yuuñ to nayā lafz nahīñ hai lekin

vaqt ke saath na.e is ke ma'ānī nikle

zindagi yun to naya lafz nahin hai lekin

waqt ke sath nae is ke ma'ani nikle