mujhe sharāb pilā.ī ga.ī hai āñkhoñ se

mirā nasha to hazāroñ baras meñ utregā

mujhe sharab pilai gai hai aankhon se

mera nasha to hazaron baras mein utrega

pahle Daalī tire chehre pe bahut der nazar

'iid kā chāñd to phir baa'd meñ dekhā maiñ ne

pahle Dali tere chehre pe bahut der nazar

'id ka chand to phir ba'd mein dekha main ne

maiñ ḳhvāb meñ bhī use khul ke pyaar kar na sakā

ki shañkh bajne lagā aur azaan hone lagī

main KHwab mein bhi use khul ke pyar kar na saka

ki shankh bajne laga aur azan hone lagi