dil kā saarā dard simaT aayā hai merī palkoñ meñ

kitne tāj-mahal Dūbeñge paanī kī in būñdoñ meñ

dil ka sara dard simaT aaya hai meri palkon mein

kitne taj-mahal Dubenge pani ki in bundon mein

ġham-e-hayāt kī kīleñ thiiñ dast-o-pā meñ jaḌīñ

tamām umr rahe ham salīb par laTke

gham-e-hayat ki kilen thin dast-o-pa mein jaDin

tamam umr rahe hum salib par laTke

bhaag chalūñ yādoñ ke zindāñ se akasr sochā lekin

jab bhī qasd kiyā to dekhā ūñchī hai dīvār bahut

bhag chalun yaadon ke zindan se akasr socha lekin

jab bhi qasd kiya to dekha unchi hai diwar bahut

armāñ ke tābūt meñ jab maiñ vaqt kī kīleñ gaaḌ chukūñgā

phir jab bhī tum yaad aaoge bah jāoge ashkoñ meñ

arman ke tabut mein jab main waqt ki kilen gaD chukunga

phir jab bhi tum yaad aaoge bah jaoge ashkon mein