maza aatā agar guzrī huī bātoñ kā afsāna

kahīñ se tum bayāñ karte kahīñ se ham bayāñ karte

maza aata agar guzri hui baaton ka afsana

kahin se tum bayan karte kahin se hum bayan karte

kuchh samajh kar hī huā huuñ mauj-e-dariyā kā harīf

varna maiñ bhī jāntā huuñ āfiyat sāhil meñ hai

kuchh samajh kar hi hua hun mauj-e-dariya ka harif

warna main bhi jaanta hun aafiyat sahil mein hai

zālim kī to aadat hai satātā hī rahegā

apnī bhī tabī.at hai bahaltī hī rahegī

zalim ki to aadat hai satata hi rahega

apni bhi tabiat hai bahalti hi rahegi

siine meñ mire dāġh-e-ġham-e-ishq-e-nabī hai

ik gauhar-e-nāyāb mire haath lagā hai

sine mein mere dagh-e-gham-e-ishq-e-nabi hai

ek gauhar-e-nayab mere hath laga hai

zamīñ roī hamāre haal par aur āsmāñ royā

hamārī bekasī ko dekh kar saarā jahāñ royā

zamin roi hamare haal par aur aasman roya

hamari bekasi ko dekh kar sara jahan roya