dil-e-ushshāq kyuuñ na ho raushan

jab ḳhayāl-e-sanam charāġh huā

dil-e-ushshaq kyun na ho raushan

jab KHayal-e-sanam charagh hua

ḳhūb-rū ḳhuub kaam karte haiñ

yak nigah meñ ġhulām karte haiñ

KHub-ru KHub kaam karte hain

yak nigah mein ghulam karte hain

kiyā mujh ishq ne zālim kuuñ aab āhista āhista

ki ātish gul kuuñ kartī hai gulāb āhista āhista

kiya mujh ishq ne zalim kun aab aahista aahista

ki aatish gul kun karti hai gulab aahista aahista

na ho kyuuñ shor dil kī bāñsulī meñ

malāhat kā salonā kaan pahuñchā

na ho kyun shor dil ki bansuli mein

malahat ka salona kan pahuncha

rāh-e-mazmūn-e-tāza band nahīñ

tā qayāmat khulā hai bāb-e-suḳhan

rah-e-mazmun-e-taza band nahin

ta qayamat khula hai bab-e-suKHan