chhoTe se ik ā.īne meñ chehra qaid hai vaise hī

jaise ik kirdār ke andar ek kahānī hotī hai

chhoTe se ek aaine mein chehra qaid hai waise hi

jaise ek kirdar ke andar ek kahani hoti hai

maut ne aa kar bachāyā phir mujhe

dard ne jab zindagī se baat kī

maut ne aa kar bachaya phir mujhe

dard ne jab zindagi se baat ki

vahm hotā hai mar gayā huuñ maiñ

aise ḳhadshāt se laḌā.ī hai

wahm hota hai mar gaya hun main

aise KHadshat se laDai hai

mire sapne mirī palkoñ kī had meñ rah ga.e dekho

nikal paayā nahīñ maiñ in darīchoñ se kabhī aage

mere sapne meri palkon ki had mein rah gae dekho

nikal paya nahin main in darichon se kabhi aage

tum ne chhuā to dil ye dhaḌkā mirā vagarna

patthar kā ho gayā thā ḳhāmosh baiThe baiThe

tum ne chhua to dil ye dhaDka mera wagarna

patthar ka ho gaya tha KHamosh baiThe baiThe