jaantii huu.n ki vo KHafaa bhii nahii.n dil kisii taur maantaa bhii nahii.n kyaa vafaa o jafaa kii baat kare.n darmiyaa.n ab to kuchh rahaa bhii nahii.n dard vo bhii sahaa hai tere liye merii qismat me.n jo likhaa bhii nahii.n har tamannaa saraab bantii rahii in saraabo.n kii intihaa bhii nahii.n haa.n charaaGaa.n kii kaifiyat thii kabhii ab to palko.n pe ik diyaa bhii nahii.n dil ko ab tak yaqiin aa na sakaa yuu.n nahii.n hai ki vo milaa bhii nahii.n vaqt itnaa guzar chukaa hai 'hinaa' jaane vaale se ab gila bhii nahii.n