ye taraqqī kā zamāna hai tire āshiq par

uñgliyāñ uThtī thiiñ ab haath uThā karte haiñ

ye taraqqi ka zamana hai tere aashiq par

ungliyan uThti thin ab hath uTha karte hain

bahut tañg aa ga.e jab machchharoñ kī Dañk-mārī se

to sab shā.er taḌap uTThe nihāyat be-qarārī se

bahut tang aa gae jab machchharon ki Dank-mari se

to sab shaer taDap uTThe nihayat be-qarari se

kisī machchhar ne baḌh kar hazrat-e-'maḳhmūr' ko kaaTā

ḳhumār utrā to chhāyā ālam-e-hastī meñ sannāTā

kisi machchhar ne baDh kar hazrat-e-'maKHmur' ko kaTa

KHumar utra to chhaya aalam-e-hasti mein sannaTa

'zarīf' anjām kyā hogā jo merā dil bhī kho jaa.e

kahīñ aisā na ho, mujh ko bhī filmī ishq ho jaa.e

'zarif' anjam kya hoga jo mera dil bhi kho jae

kahin aisa na ho, mujh ko bhi filmi ishq ho jae