muddatoñ ḳhud se mulāqāt nahīñ hotī hai

raat hotī hai magar raat nahīñ hotī hai

muddaton KHud se mulaqat nahin hoti hai

raat hoti hai magar raat nahin hoti hai

sau baar TūTne pe bhī haarā nahīñ huuñ maiñ

miTTī kā ik charāġh huuñ taarā nahīñ huuñ maiñ

sau bar TuTne pe bhi haara nahin hun main

miTTi ka ek charagh hun tara nahin hun main

us ne itnā kiyā nazar-andāz

sab kī nazroñ meñ aa ga.e haiñ ham

us ne itna kiya nazar-andaz

sab ki nazron mein aa gae hain hum

mujh se nārāz bhī nahīñ hai vo

aur us ko manā rahā huuñ maiñ

mujh se naraaz bhi nahin hai wo

aur us ko mana raha hun main

fazā.eñ raqs meñ haiñ aur baras rahī hai sharāb

kisī ne jaam sū-e-asmāñ uchhālā hai

fazaen raqs mein hain aur baras rahi hai sharab

kisi ne jam su-e-asman uchhaala hai