خالد مبشر کی شاعری

خالد مبشر کے اشعار

مجھے شک ہے ہونے نہ ہونے پہ خالدؔ

اگر ہوں تو اپنا پتا چاہتا ہوں

ٹپک کے دیدۂ نم سے صدائیں دیتا ہے

جو ایک حرف تمنا دل تباہ میں تھا

مری وحشتوں کا سبب کون سمجھے

کہ میں گم شدہ قافلہ چاہتا ہوں

کہیں رانجھا، کہیں مجنوں ہوا

وجود عشق عالم گیر ہے

دشت جنوں سے آ گئے شہر خرد میں ہم

دل کو مگر یہ سانحہ اچھا نہیں لگا

عناصر کی گھنی زنجیر ہے

سو یہ ہستی کی اک تعبیر ہے

تمہاری یاد کا مرہم بنام دل کر دوں

تمام ہجر کے زخموں کو مندمل کر دوں

تمہاری یاد کا مرہم بنام دل کر دوں

تمام ہجر کے زخموں کو مندمل کر دوں