rañg badlā huā thā phūloñ kā

tum yaqīnan udaas guzre the

rang badla hua tha phulon ka

tum yaqinan udas guzre the

likh ke rakh detā huuñ alfāz sabhī kāġhaz par

lafz ḳhud bol ke tāsīr banā lete haiñ

likh ke rakh deta hun alfaz sabhi kaghaz par

lafz KHud bol ke tasir bana lete hain

hamāre purkhoñ ne juute kī nok par rakkhī

hamāre paas bhī duniyā tabhī nahīñ aatī

hamare purkhon ne jute ki nok par rakkhi

hamare pas bhi duniya tabhi nahin aati

dastak dene vaale tujh ko ilm nahīñ

darvāze ke donoñ jānib taalā hai

dastak dene wale tujh ko ilm nahin

darwaze ke donon jaanib tala hai

ġhurbat kā ehsān thā ham par

ik thālī meñ khā sakte the

ghurbat ka ehsan tha hum par

ek thaali mein kha sakte the