basti ki ye unchi haweli dard ki chadar mein lipTi
bastī kī ye ūñchī havelī dard kī chādar meñ lipTī
jaane kis ko dekh rahī hai barsoñ se vīrān paḌī
shāyad tum ko yaad to hogā ahl-e-ḳhirad vo daur ki jab
ahl-e-junūñ kī zanjīroñ se zindānoñ meñ jaan paḌī
maz.hab se khilvāḌ kiyā to us kā ye anjām huā
mandir bhī vīrān paḌā hai masjid bhī sunsān paḌī
kis ne kis ko qatl kiyā pahchān sako to pahchāno
sāmne ye talvār paḌī tirshūl paḌā kirpān paḌī
jis din ik zālim ne ik mazlūm kā nāhaq qatl kiyā
us din se is duniyā meñ kuchh rishtoñ kī pahchān paḌī
basti ki ye unchi haweli dard ki chadar mein lipTi
jaane kis ko dekh rahi hai barson se viran paDi
shayad tum ko yaad to hoga ahl-e-KHirad wo daur ki jab
ahl-e-junun ki zanjiron se zindanon mein jaan paDi
mazhab se khilwaD kiya to us ka ye anjam hua
mandir bhi viran paDa hai masjid bhi sunsan paDi
kis ne kis ko qatl kiya pahchan sako to pahchano
samne ye talwar paDi tirshul paDa kirpan paDi
jis din ek zalim ne ek mazlum ka nahaq qatl kiya
us din se is duniya mein kuchh rishton ki pahchan paDi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
