عشرتیؔ گھر کی محبت کا مزا بھول گئے

دلچسپ معلومات

اکبر الہ بادی چاہتے ہوں یا نہ چاہتے ہوں مگر واقعہ یہ ہے کہ انھیں اپنے صاحبزادے عشرت حسین کو تعلیم کے لیے یوروپ بھیجنا پڑا ۔ مگر چلتے وقت بہت سے عہد و پیمان لے لیے ۔ عشرت حسین کافی عرصے تک یوروپ میں تعلیم حاصل کرتے رہے اور ان دنوں ہر انگلستان جانے والے ہندوستانی نوجوان کے متعلق یہ شبہ کیا جاتا تھا کہ یوروپ کی رنگینیوں سے بچ کر نہیں آ سکتا ،اور اکثر ہوتا بھی یہی تھا کہ انگلستان سے واپس آنے والا ہر نوجوان اپنے ساتھ کوئی یوروپین لیڈی ضرور لاتا اکبر نے عشرت حسین کو انگلستان بھیج تو دیا مگر کھٹکا لگا ہوا تھا ۔ چنانچہ ایک مرتبہ عشرت کا خط آنے میں غیر معمولی دیر ہو گئی تو ان کی فکر و تشویش اور بڑھی، خط لکھا اور یہ قطعہ نظم کر کے بھیج دیا۔