tajjub se kahne lage babu sahab

ta'ajjub se kahne lage baabū sāhab

government sayyad pe kyoñ mehrbāñ hai

use kyoñ huī is qadar kāmyābī

ki har bazm meñ bas yahī dāstāñ hai

kabhī laaT sāhab haiñ mehmān us ke

kabhī laaT sāhab kā vo mehmāñ hai

nahīñ hai hamāre barābar vo hargiz

diyā ham ne har sīġhe kā imtihāñ hai

vo añgrezī se kuchh bhī vāqif nahīñ hai

yahāñ jitnī english hai sab bar-zabāñ hai

kahā hañs ke akbar ne ai baabū sāhab

suno mujh se jo ramz is meñ nihāñ hai

nahīñ hai tumheñ kuchh bhī sayyad se nisbat

tum añgrezī-dāñ ho vo añgrez-dāñ hai

ta'ajjub se kahne lage babu sahab

gowernment sayyad pe kyon mehrban hai

use kyon hui is qadar kaamyabi

ki har bazm mein bas yahi dastan hai

kabhi laT sahab hain mehman us ke

kabhi laT sahab ka wo mehman hai

nahin hai hamare barabar wo hargiz

diya hum ne har sighe ka imtihan hai

wo angrezi se kuchh bhi waqif nahin hai

yahan jitni english hai sab bar-zaban hai

kaha hans ke akbar ne ai babu sahab

suno mujh se jo ramz is mein nihan hai

nahin hai tumhein kuchh bhi sayyad se nisbat

tum angrezi-dan ho wo angrez-dan hai