ek qabile se hain lekin rang-o-naqsha aur hai

ik qabīle se haiñ lekin rañg-o-naqsha aur hai

aur hai kāñToñ kī duniyā gul kī duniyā aur hai

ishtirāk-e-fikr ho kaise hamāre darmiyāñ

terī ḳhvāhish aur hai merī tamannā aur hai

aur hī manzar hai duniyā kā sar-e-tūr-e-nazar

chashm-e-dil ke sāmne lekin tamāshā aur hai

aarzū ke bahr-o-dariyā kī kahānī kyā kahūñ

is kā sāhil aur hai is kā kinārā aur hai

dekhnā tūfān meñ ghir kar na rah jaa.e kahīñ

nāḳhudā ye ārzūoñ kā safīna aur hai

ab badalnā hī paḌegā ye tarīq-e-zindagī

ab mirī jaañ sūrat-e-hālāt-e-duniyā aur hai

dushmanoñ kā haath is meñ hai na yāroñ kā qusūr

inqitā-e-dostī kā shāḳhsāna aur hai

zindagī ke moḌ par 'shāhid' mileñ phir kis tarah

us kā rasta muḳhtalif hai merā rasta aur hai

ek qabile se hain lekin rang-o-naqsha aur hai

aur hai kanTon ki duniya gul ki duniya aur hai

ishtirak-e-fikr ho kaise hamare darmiyan

teri KHwahish aur hai meri tamanna aur hai

aur hi manzar hai duniya ka sar-e-tur-e-nazar

chashm-e-dil ke samne lekin tamasha aur hai

aarzu ke bahr-o-dariya ki kahani kya kahun

is ka sahil aur hai is ka kinara aur hai

dekhna tufan mein ghir kar na rah jae kahin

naKHuda ye aarzuon ka safina aur hai

ab badalna hi paDega ye tariq-e-zindagi

ab meri jaan surat-e-haalat-e-duniya aur hai

dushmanon ka hath is mein hai na yaron ka qusur

inqita-e-dosti ka shaKHsana aur hai

zindagi ke moD par 'shahid' milen phir kis tarah

us ka rasta muKHtalif hai mera rasta aur hai