is chashm-e-nam se manzar-e-hairan chala gaya

is chashm-e-nam se manzar-e-hairāñ chalā gayā

ḳhvāboñ kā ik jahān-e-gulistāñ chalā gayā

shahroñ meñ aa ke bas ga.e haivān jis ghaḌī

ġhāroñ meñ phir se aaj insāñ chalā gayā

kuchh vasvasoñ meñ aise kaTī umr-e-be-amāñ

is zindagī se rishta-e-īqāñ chalā gayā

shartoñ pe āj-kal to nibhāte haiñ āshiqī

tab hī to chāhatoñ se ye paimāñ chalā gayā

zāhid kī kuchh hikāyateñ sun kar lagā mujhe

bas diin rah gayā yahāñ īmāñ chalā gayā

ye dhaḌkaneñ tumhārī to 'sīmā' fareb haiñ

dil se agar jo jazba-e-ehsāñ chalā gayā

is chashm-e-nam se manzar-e-hairan chala gaya

KHwabon ka ek jahan-e-gulistan chala gaya

shahron mein aa ke bas gae haiwan jis ghaDi

ghaaron mein phir se aaj insan chala gaya

kuchh waswason mein aise kaTi umr-e-be-aman

is zindagi se rishta-e-iqan chala gaya

sharton pe aaj-kal to nibhate hain aashiqi

tab hi to chahaton se ye paiman chala gaya

zahid ki kuchh hikayaten sun kar laga mujhe

bas din rah gaya yahan iman chala gaya

ye dhaDkanen tumhaari to 'sima' fareb hain

dil se agar jo jazba-e-ehsan chala gaya