baiThna tha ki hawa ho gaya tausan un ka

baiThnā thā ki havā ho gayā tausan un kā

bhūlne kī nahīñ bandī kabhī aasan un kā

jue kī lat bhī lagā dī mire navvāb ko uī

zinda dargor ho baajī muā dushman un kā

haiñ ye bichhḌī huī Tikyā.ī ke ḳhātir naale

saaf batlātā hai mujh ko buā shevan un kā

vo baraste hue paanī meñ muġhal-jān ke saath

khelnā baaġh meñ jā-jā buā sāvan un kā

pichhle sāvan meñ to the saut ke ghar meñ dūlhā

dekhiye ab kī kahāñ ho buā sāvan un kā

hashr meñ pesh-e-ḳhudā tīnoñ kī hogī peshī

maiñ bhī navvāb bhī aur tīsrā dāman un kā

pāñch in'ām ke maamā abhī khan se gin lo

aaj karvāo kisī Dhab se jo darshan un kā

chhūTtā yuuñ hī rahegā muā pīchhe aapā

mornī sī mirī āvāz se argan un kā

dūlhā bhaa.ī pe muī ho na ga.ī ho 'āshiq

gūñdhtī naam hai kyuuñ haar meñ mālan un kā

hind meñ tiir se pahuñcheñ mire dūlhā yā-rab

ho chuke ḳhair se jab jalsa-e-lonDoñ un kā

rashk-e-ā.īna hai begam buā gadrāyā huā

fitnā-añgez balā-ḳhez hai joban un kā

āl-e-ahmad ke sanā-ḳhvān haiñ 'mohsin' baajī

kyuuñ pas-e-marg mo'attar na ho madfan un kā

baiThna tha ki hawa ho gaya tausan un ka

bhulne ki nahin bandi kabhi aasan un ka

jue ki lat bhi laga di mere nawwab ko ui

zinda dargor ho baji mua dushman un ka

hain ye bichhDi hui Tikyai ke KHatir nale

saf batlata hai mujh ko bua shewan un ka

wo baraste hue pani mein mughal-jaan ke sath

khelna bagh mein ja-ja bua sawan un ka

pichhle sawan mein to the saut ke ghar mein dulha

dekhiye ab ki kahan ho bua sawan un ka

hashr mein pesh-e-KHuda tinon ki hogi peshi

main bhi nawwab bhi aur tisra daman un ka

panch in'am ke mama abhi khan se gin lo

aaj karwao kisi Dhab se jo darshan un ka

chhuTta yun hi rahega mua pichhe aapa

morni si meri aawaz se argan un ka

dulha bhai pe mui ho na gai ho 'ashiq

gundhti nam hai kyun haar mein malan un ka

hind mein tir se pahunchen mere dulha ya-rab

ho chuke KHair se jab jalsa-e-lonDon un ka

rashk-e-aina hai begam bua gadraya hua

fitna-angez bala-KHez hai joban un ka

aal-e-ahmad ke sana-KHwan hain 'mohsin' baji

kyun pas-e-marg mo'attar na ho madfan un ka