dar-ba-dar bhik hi mangega mua mere baad

dar-ba-dar bhiik hī māñgegā muā mere baad

yaad rakhnā ye mirī baat buā mere baad

kasbī kyā kyā na lagā.egī balā mere baad

riish meñ kaun lagā.egī hinā mere baad

phuul bhī do na chaḌhā.e mirī turbat pe kabhī

aise saukan ne diye phuul paḌhā mere baad

buā kyā kyā na bigāḌeñge gharauñdā apnā

luuT legī muī kasbī kī adā mere baad

zulm sah sah ke chhināloñ ke pashīmāñ hoñge

mere jiine kī vo māñgeñge duā mere baad

maiñ buā un ke liye shauq se luuñ rāh-e-adam

raah par laa.e jo dūlhā ko ḳhudā mere baad

rañg kyā kyā na muī lā.egī mehñdī begam

ḳhuun thūkegī hazāroñ meñ hinā mere baad

sāmne phūTe agar shaiḳh to muñh noch luuñ maiñ

kahtā sab kuchh buā phirtā hai muā mere baad

paanī ho ho ke baheñgī ye jafā.eñ qibla

josh par aa.egā jab ḳhūn-e-vafā mere baad

sitam-e-yār se kahtī hai vafā kī hasrat

hogī ab kis pe nigoḌī ye jafā mere baad

haa.e navāb-e-sitam-gar kī kudūrat na ga.ī

hogī hasrat kī lab-e-gor sadā mere baad

muñh-lage bhaḌve banā.eñge na kyā kyā abtar

chauk jā jā ke na ho jā.eñge kyā mere baad

jīte-jī sharm na 'mohsin' ko jab aa.ī guyyāñ

ḳhaak aa.egī nigoḌe ko hayā mere baad

dar-ba-dar bhik hi mangega mua mere baad

yaad rakhna ye meri baat bua mere baad

kasbi kya kya na lagaegi bala mere baad

rish mein kaun lagaegi hina mere baad

phul bhi do na chaDhae meri turbat pe kabhi

aise saukan ne diye phul paDha mere baad

bua kya kya na bigaDenge gharaunda apna

luT legi mui kasbi ki ada mere baad

zulm sah sah ke chhinalon ke pashiman honge

mere jine ki wo mangenge dua mere baad

main bua un ke liye shauq se lun rah-e-adam

rah par lae jo dulha ko KHuda mere baad

rang kya kya na mui laegi mehndi begam

KHun thukegi hazaron mein hina mere baad

samne phuTe agar shaiKH to munh noch lun main

kahta sab kuchh bua phirta hai mua mere baad

pani ho ho ke bahengi ye jafaen qibla

josh par aaega jab KHun-e-wafa mere baad

sitam-e-yar se kahti hai wafa ki hasrat

hogi ab kis pe nigoDi ye jafa mere baad

hae nawab-e-sitam-gar ki kudurat na gai

hogi hasrat ki lab-e-gor sada mere baad

munh-lage bhaDwe banaenge na kya kya abtar

chauk ja ja ke na ho jaenge kya mere baad

jite-ji sharm na 'mohsin' ko jab aai guyyan

KHak aaegi nigoDe ko haya mere baad