حسن اس کا جانؔ صاحب روح کو مرغوب ہے

حسن اس کا جانؔ صاحب روح کو مرغوب ہے

جو اجی نام خدا اللہ کا محبوب ہے

نوح کی اولاد آنسو دل بوا ایوب ہے

ایک دیدہ ہے مرا آدم تو اک یعقوب ہے

گل کھلا کر باغ سے کیا کوئی آئی اے نسیم

کیوں لجائی آنکھ اس نرگس کی کیوں محجوب ہے

آبرو لینے کا رہتا ہے یہ طالب رات دن

نس کٹا خواجہ سرا بیری مرا مطلوب ہے

جوتیاں کھائیں نہ بچکانہ چرائیں جوتیاں

سمدھنوں نے اے میاں مجھ کو کیا محجوب ہے

میر موسیٰ مضحکے کا ہے اگر اس کا کلام

جانؔ صاحب شاعروں میں او ہی کیسا خوب ہے