husn us ka jaan-sahab ruh ko marghub hai

husn us kā 'jān'-sāhab ruuh ko marġhūb hai

jo ajī nām-e-ḳhudā allāh kā mahbūb hai

nuuh kī aulād aañsū dil buā ayyūb hai

ek diida hai mirā aadam to ik yāqūb hai

gul khilā kar baaġh se kyā koī aa.ī ai nasīm

kyuuñ lajā.ī aañkh us nargis kī kyuuñ mahjūb hai

aabrū lene kā rahtā hai ye tālib raat din

nas-kaTā ḳhvāja-sarā bairī mirā matlūb hai

jūtiyāñ khā.īñ na bachkāna churā.īñ jūtiyāñ

samdhinoñ ne ai miyāñ mujh ko kiyā mahjūb hai

miir muusā maz.hake kā hai agar us kā kalām

'jān' sāhab shā.iroñ meñ uu-hī kaisā ḳhuub hai

husn us ka 'jaan'-sahab ruh ko marghub hai

jo aji nam-e-KHuda allah ka mahbub hai

nuh ki aulad aansu dil bua ayyub hai

ek dida hai mera aadam to ek yaqub hai

gul khila kar bagh se kya koi aai ai nasim

kyun lajai aankh us nargis ki kyun mahjub hai

aabru lene ka rahta hai ye talib raat din

nas-kaTa KHwaja-sara bairi mera matlub hai

jutiyan khain na bachkana churain jutiyan

samdhinon ne ai miyan mujh ko kiya mahjub hai

mir musa mazhake ka hai agar us ka kalam

'jaan' sahab shairon mein u-hi kaisa KHub hai