لہر میں چوٹی کے تیرے ڈر کے مارے کانپ کانپ

لہر میں چوٹی کے تیرے ڈر کے مارے کانپ کانپ

چونک چونک اٹھتی ہوں میں راتوں کو کہہ کر سانپ سانپ

نوج تم کوٹھے پر آئیں اے بڑی دائی اتو

لوگ سب سوتے ہوئے تم نے جگائے ہانپ ہانپ

کوئی اونگل خیر سے اونچی ہوئی تو کیا ہوا

قد بڑھایا بیگما نے میرے قد سے ناپ ناپ

تو جو کہتی ہے کہ تجھ کو بھانپتا ہے اک جنا

کیا ڈرانی مجھ کو لگتی ہے یہ تیری بھانپ بھانپ

ہے بڑا جگرا ترا انشاؔ ارے تو قہر ہے

کب تلک میں تیرے کرتوتوں کو رکھوں ڈھانپ ڈھانپ