mere ghar mein zanaKHi aai kab

mere ghar meñ zanāḳhī aa.ī kab

maiñ nigoḌī bhalā nahā.ī kab

sabr merā sameTtī hai vo

shab ko bolī thī chārpā.ī kab

kal zanāḳhī thī mere paas kidhar

oḌh baiThī thī maiñ razā.ī kab

laḌ ke muddat se vo ga.ī hai ruuTh

merī us kī huī safā.ī kab

vo nabaḳhtī to apne ghar meñ na thī

paas us ke ga.ī thī daa.ī kab

dauḌī lene ko maiñ use kis dam

paañv meñ mere moch aa.ī kab

khānā khāyā thā maiñ ne us ne kahāñ

aur mañgvā.ī thī malā.ī kab

kī thī shab maiñ ne kis jagah kañghī

aarsī us ne thī dikhā.ī kab

hargiz aatī nahīñ hai sāñch ko aañch

pesh jāvegī ye baḌā.ī kab

gūñdh kar haath paañv meñ 'rañgīñ'

us ne mehñdī mire lagā.ī kab

mere ghar mein zanaKHi aai kab

main nigoDi bhala nahai kab

sabr mera sameTti hai wo

shab ko boli thi chaarpai kab

kal zanaKHi thi mere pas kidhar

oDh baiThi thi main razai kab

laD ke muddat se wo gai hai ruTh

meri us ki hui safai kab

wo nabaKHti to apne ghar mein na thi

pas us ke gai thi dai kab

dauDi lene ko main use kis dam

panw mein mere moch aai kab

khana khaya tha main ne us ne kahan

aur mangwai thi malai kab

ki thi shab main ne kis jagah kanghi

aarsi us ne thi dikhai kab

hargiz aati nahin hai sanch ko aanch

pesh jawegi ye baDai kab

gundh kar hath panw mein 'rangin'

us ne mehndi mere lagai kab