meri taraf se kuchh to tere dil mein chor hai

merī taraf se kuchh to tire dil meñ chor hai

maiñ ne samajh liyā to do-gānā ghanor hai

itnā baḌā hai muuñh ik aatoñ kī naak par

jitnī baḌī dadā mirī uñglī kī por hai

ro.e zarā jo daadā to daa.ī ho be-qarār

daa.ī hai mornī to mirā daadā mor hai

muñh Dhāñp kar na ro ye chhilaurī nahīñ muī

ai kuukā terī uñglī kī pakkī ye por hai

aisī gale meñ jaalī kī kartī hai daa.ī ke

jaisī burī paḌī mirī miyānī kī tor hai

hai merā chalnā phirnā do-gānā ke iḳhtiyār

ye jaan lo ki maiñ huuñ chaka.ī vo Dor hai

sadqe zanāḳhī mere maiñ qurbān us kī huuñ

ham meñ chaka.ī ek hai aur ek Dor hai

shāyad ki ho gayā tirā mīThā baras shurū

kuukā kuchh in dinoñ tirī chāhat kā shor hai

terī qasam gañvārī use jāntī huuñ maiñ

lauñDī ko 'rañgīñ' jo koī kahtī bañdūr hai

meri taraf se kuchh to tere dil mein chor hai

main ne samajh liya to do-gana ghanor hai

itna baDa hai munh ek aaton ki nak par

jitni baDi dada meri ungli ki por hai

roe zara jo dada to dai ho be-qarar

dai hai morni to mera dada mor hai

munh Dhanp kar na ro ye chhilauri nahin mui

ai kuka teri ungli ki pakki ye por hai

aisi gale mein jali ki karti hai dai ke

jaisi buri paDi meri miyani ki tor hai

hai mera chalna phirna do-gana ke iKHtiyar

ye jaan lo ki main hun chakai wo Dor hai

sadqe zanaKHi mere main qurban us ki hun

hum mein chakai ek hai aur ek Dor hai

shayad ki ho gaya tera miTha baras shuru

kuka kuchh in dinon teri chahat ka shor hai

teri qasam ganwari use jaanti hun main

launDi ko 'rangin' jo koi kahti bandur hai