phir baji-jaan bhaDwe ne jhagDa kiya shurua
phir baajī jaan bhaḌve ne jhagḌā kiyā shurūa
maiñ chāhtī thī ḳhatm ho ulTā huā shurūa
husn-o-shabāb yaar kā phaTnā huā shurūa
guyyañ ġhazab ki ho gayā fitna nayā shurūa
un ko ye ḳhabt mujh se ho āġhāz-e-dāstāñ
maiñ is ḳhayāl meñ ki kareñ dil-rubā shurūa
maanā ki ham ne suut ko karvā diyā haqīr
ye to batāo kis ne ye jhagḌā kiyā shurūa
dūlhā kī tāk-jhāñk ne begam jhukā diyā
jā jā ke chauk kar diyā phir jhāñknā shurūa
anjām jab ba-ḳhair ho tab jānūñ ḳhair hai
dahlā rahā hai dil ko muī baat kā shurūa
ham ko na chheḌo kah diyā ro ro ke varna ham
kar deñge dūlhā yaar rahe kosnā shurūa
phir shaiḳh-jī ne paañv nikāle haiñ peT se
phir vo sharārteñ muā karne lagā shurūa
kyā jaane aage chal ke vo bhaḌvā karegā kyā
achchhā nahīñ nigoḌe kā jab ai buā shurūa
kyuuñ kar na nūr-e-husn se ho chaudhvīñ kā chāñd
dulhan kā chaud.hvāñ huā nām-e-ḳhudā shurūa
'mohsin' nahīñ vo fitna-e-ḳhvābīda hai buā
mujh ko ye Dar hai hashr na kar de muā shurūa
phir baji jaan bhaDwe ne jhagDa kiya shurua
main chahti thi KHatm ho ulTa hua shurua
husn-o-shabab yar ka phaTna hua shurua
guyyan ghazab ki ho gaya fitna naya shurua
un ko ye KHabt mujh se ho aaghaz-e-dastan
main is KHayal mein ki karen dil-ruba shurua
mana ki hum ne sut ko karwa diya haqir
ye to batao kis ne ye jhagDa kiya shurua
dulha ki tak-jhank ne begam jhuka diya
ja ja ke chauk kar diya phir jhankna shurua
anjam jab ba-KHair ho tab jaanun KHair hai
dahla raha hai dil ko mui baat ka shurua
hum ko na chheDo kah diya ro ro ke warna hum
kar denge dulha yar rahe kosna shurua
phir shaiKH-ji ne panw nikale hain peT se
phir wo shararten mua karne laga shurua
kya jaane aage chal ke wo bhaDwa karega kya
achchha nahin nigoDe ka jab ai bua shurua
kyun kar na nur-e-husn se ho chaudhwin ka chand
dulhan ka chaudhwan hua nam-e-KHuda shurua
'mohsin' nahin wo fitna-e-KHwabida hai bua
mujh ko ye Dar hai hashr na kar de mua shurua
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.