dekhte hi dekhte kya ho gaya

dekhte hī dekhte kyā ho gayā

maiñ terī tū jaan merā ho gayā

phir ga.ī ik baar hī mirzā kī aañkh

dekhnā bī uuhī ye kyā ho gayā

dostī kis mard se kī aaj kal

haal kyā ye dushmanoñ kā ho gayā

mar ga.ī maiñ jiite jī ai begamā

ishq meñ ghar-khoj kaisā ho gayā

kyā huā chal duur ho mujh se mue

biyāh merā aur hī jā ho gayā

begamā sach bol tū hai kyuuñ ḳhafā

kuchh to hai nuqsān terā ho gayā

kyuuñ na ho is ruuh ko ai 'jān' sabr

aa.e vo dil shaad merā ho gayā

dekhte hi dekhte kya ho gaya

main teri tu jaan mera ho gaya

phir gai ek bar hi mirza ki aankh

dekhna bi uhi ye kya ho gaya

dosti kis mard se ki aaj kal

haal kya ye dushmanon ka ho gaya

mar gai main jite ji ai begama

ishq mein ghar-khoj kaisa ho gaya

kya hua chal dur ho mujh se mue

biyah mera aur hi ja ho gaya

begama sach bol tu hai kyun KHafa

kuchh to hai nuqsan tera ho gaya

kyun na ho is ruh ko ai 'jaan' sabr

aae wo dil shad mera ho gaya