Sher on History

jo manziloñ ke nishānāt de rahī haiñ tumheñ

hamārī guuñj bhī shāmil hai in sadāoñ meñ

jo manzilon ke nishanat de rahi hain tumhein

hamari gunj bhi shamil hai in sadaon mein

naam un ke chamakte haiñ tārīḳh ke safhoñ par

jo log zamāne kī taqdīr badalte haiñ

nam un ke chamakte hain tariKH ke safhon par

jo log zamane ki taqdir badalte hain

luTe hue navāb-zādoñ kā bharam bhī ḳhuub thā

riyāsateñ ujaḌ ga.iiñ ġhurūr 'umr bhar rahā

luTe hue nawab-zadon ka bharam bhi KHub tha

riyasaten ujaD gain ghurur 'umr bhar raha

mirā shajra mirā naam o nasab pūchhā thā logoñ ne

maiñ apne ghar gayā TuuTī huī talvār le aayā

mera shajra mera nam o nasab puchha tha logon ne

main apne ghar gaya TuTi hui talwar le aaya