join rekhta family!

You have exhausted your free sher pages per month.

Register to join Rekhta family for FREE ACCESS to full website and unique features.

LOG IN REGISTER

benefits

  • Curated collections
  • Personalised recommendations
  • 50,000 E-books collection
  • Audio and Videos
  • Single click word meanings
  • Rekhta Multi-Script dictionary
  • BYOF (Build Your Own Favourites)
  • Events Notifications
  • One pass access to all of Rekhta products

Stay updated to all the latest features and event notifications on Rekhta

Romantic Shayari

You may well appreciate how dull this life would be without romance. This romance could be for anything—the images of nature, or those aspects related with human relationships. Life confronts us with its stark realities and we seek our redemption through romance with various objects of life. Here you have different facets of romance drawn from diverse manifestations of life.

ujāle apnī yādoñ ke hamāre saath rahne do

na jaane kis galī meñ zindagī kī shaam ho jaa.e

ujale apni yaadon ke hamare sath rahne do

na jaane kis gali mein zindagi ki sham ho jae

Bashir Badr

aziiz itnā hī rakkho ki jī sambhal jaa.e

ab is qadar bhī na chāho ki dam nikal jaa.e

aziz itna hi rakkho ki ji sambhal jae

ab is qadar bhi na chaho ki dam nikal jae

Obaidullah Aleem

aate aate mirā naam sā rah gayā

us ke hoñToñ pe kuchh kāñptā rah gayā

aate aate mera nam sa rah gaya

us ke honTon pe kuchh kanpta rah gaya

Waseem Barelvi

dil dhaḌakne kā sabab yaad aayā

vo tirī yaad thī ab yaad aayā

dil dhaDakne ka sabab yaad aaya

wo teri yaad thi ab yaad aaya

Nasir Kazmi

na jī bhar ke dekhā na kuchh baat kī

baḌī aarzū thī mulāqāt kī

na ji bhar ke dekha na kuchh baat ki

baDi aarzu thi mulaqat ki

Bashir Badr

āḳhrī hichkī tire zānūñ pe aa.e

maut bhī maiñ shā.irāna chāhtā huuñ

aaKHri hichki tere zanun pe aae

maut bhi main shairana chahta hun

Qateel Shifai

maiñ to ġhazal sunā ke akelā khaḌā rahā

sab apne apne chāhne vāloñ meñ kho ga.e

main to ghazal suna ke akela khaDa raha

sab apne apne chahne walon mein kho gae

Krishn Bihari Noor

hameñ bhī niiñd aa jā.egī ham bhī so hī jā.eñge

abhī kuchh be-qarārī hai sitāro tum to so jaao

hamein bhi nind aa jaegi hum bhi so hi jaenge

abhi kuchh be-qarari hai sitaro tum to so jao

Qateel Shifai

shadīd pyaas thī phir bhī chhuā na paanī ko

maiñ dekhtā rahā dariyā tirī ravānī ko

shadid pyas thi phir bhi chhua na pani ko

main dekhta raha dariya teri rawani ko

Shahryar

mujhe tanhā.ī kī aadat hai merī baat chhoḌeñ

ye liije aap kā ghar aa gayā hai haat chhoḌeñ

mujhe tanhai ki aadat hai meri baat chhoDen

ye lije aap ka ghar aa gaya hai hat chhoDen

Javed Saba

tum kyā jaano apne aap se kitnā maiñ sharminda huuñ

chhūT gayā hai saath tumhārā aur abhī tak zinda huuñ

tum kya jaano apne aap se kitna main sharminda hun

chhuT gaya hai sath tumhaara aur abhi tak zinda hun

Saghar Azmi

tum mujhe chhoḌ ke jāoge to mar jā.ūñgā

yuuñ karo jaane se pahle mujhe pāgal kar do

tum mujhe chhoD ke jaoge to mar jaunga

yun karo jaane se pahle mujhe pagal kar do

Bashir Badr

vo to ḳhush-bū hai havāoñ meñ bikhar jā.egā

mas.ala phuul kā hai phuul kidhar jā.egā

wo to KHush-bu hai hawaon mein bikhar jaega

masala phul ka hai phul kidhar jaega

Parveen Shakir

yaaro kuchh to zikr karo tum us kī qayāmat bāñhoñ kā

vo jo simaTte hoñge un meñ vo to mar jaate hoñge

yaro kuchh to zikr karo tum us ki qayamat banhon ka

wo jo simaTte honge un mein wo to mar jate honge

Jaun Eliya

tum se bichhaḌ kar zinda haiñ

jaan bahut sharminda haiñ

tum se bichhaD kar zinda hain

jaan bahut sharminda hain

Iftikhar Arif

agar talāsh karūñ koī mil hī jā.egā

magar tumhārī tarah kaun mujh ko chāhegā

agar talash karun koi mil hi jaega

magar tumhaari tarah kaun mujh ko chahega

Bashir Badr

itnī miltī hai mirī ġhazloñ se sūrat terī

log tujh ko mirā mahbūb samajhte hoñge

itni milti hai meri ghazlon se surat teri

log tujh ko mera mahbub samajhte honge

Bashir Badr

dil meñ kisī ke raah kiye jā rahā huuñ maiñ

kitnā hasīñ gunāh kiye jā rahā huuñ maiñ

dil mein kisi ke rah kiye ja raha hun main

kitna hasin gunah kiye ja raha hun main

Jigar Moradabadi

bechain is qadar thā ki soyā na raat bhar

palkoñ se likh rahā thā tirā naam chāñd par

bechain is qadar tha ki soya na raat bhar

palkon se likh raha tha tera nam chand par

Unknown

log kahte haiñ ki tū ab bhī ḳhafā hai mujh se

terī āñkhoñ ne to kuchh aur kahā hai mujh se

log kahte hain ki tu ab bhi KHafa hai mujh se

teri aankhon ne to kuchh aur kaha hai mujh se

Jaan Nisar Akhtar

vo chehra kitābī rahā sāmne

baḌī ḳhūbsūrat paḌhā.ī huī

wo chehra kitabi raha samne

baDi KHubsurat paDhai hui

Bashir Badr

patthar mujhe kahtā hai mirā chāhne vaalā

maiñ mom huuñ us ne mujhe chhū kar nahīñ dekhā

patthar mujhe kahta hai mera chahne wala

main mom hun us ne mujhe chhu kar nahin dekha

Bashir Badr

maiñ jab so jā.ūñ in āñkhoñ pe apne hoñT rakh denā

yaqīñ aa jā.egā palkoñ tale bhī dil dhaḌaktā hai

main jab so jaun in aankhon pe apne honT rakh dena

yaqin aa jaega palkon tale bhi dil dhaDakta hai

Bashir Badr

abhī aa.e abhī jaate ho jaldī kyā hai dam le lo

na chheḌūñgā maiñ jaisī chāhe tum mujh se qasam le lo

abhi aae abhi jate ho jaldi kya hai dam le lo

na chheDunga main jaisi chahe tum mujh se qasam le lo

Ameer Minai

pūchh lete vo bas mizāj mirā

kitnā āsān thā ilaaj mirā

puchh lete wo bas mizaj mera

kitna aasan tha ilaj mera

Fahmi Badayuni

hañs ke farmāte haiñ vo dekh ke hālat merī

kyuuñ tum āsān samajhte the mohabbat merī

seeing my condition, she laughs and asks of me

"Easy did you then imagine, loving me would be?"

hans ke farmate hain wo dekh ke haalat meri

kyun tum aasan samajhte the mohabbat meri

seeing my condition, she laughs and asks of me

"Easy did you then imagine, loving me would be?"

Ameer Minai
  • Share this
    did you then imagine, loving me would be?"

hans ke farmate hain wo dekh ke haalat meri

kyun tum aasan samajhte the mohabbat meri

seeing my condition, she laughs and asks of me

"Easy did you then imagine, loving me would be?"

">
  • Translation
  • See Ghazal
  • Critique

    • ek chehra hai jo āñkhoñ meñ basā rahtā hai

    ik tasavvur hai jo tanhā nahīñ hone detā

    ek chehra hai jo aankhon mein basa rahta hai

    ek tasawwur hai jo tanha nahin hone deta

    Javed Naseemi

    mujhe to qaid-e-mohabbat aziiz thī lekin

    kisī ne mujh ko giraftār kar ke chhoḌ diyā

    mujhe to qaid-e-mohabbat aziz thi lekin

    kisi ne mujh ko giraftar kar ke chhoD diya

    Shakeel Badayuni

    jise ishq kā tiir kaarī lage

    use zindagī kyuuñ na bhārī lage

    jise ishq ka tir kari lage

    use zindagi kyun na bhaari lage

    Wali Mohammad Wali

    tumhāre shahr kā mausam baḌā suhānā lage

    maiñ ek shaam churā luuñ agar burā na lage

    tumhaare shahr ka mausam baDa suhana lage

    main ek sham chura lun agar bura na lage

    Qaisarul Jafri

    apne jaisī koī tasvīr banānī thī mujhe

    mire andar se sabhī rañg tumhāre nikle

    apne jaisi koi taswir banani thi mujhe

    mere andar se sabhi rang tumhaare nikle

    Salim Saleem

    dil kī choToñ ne kabhī chain se rahne na diyā

    jab chalī sard havā maiñ ne tujhe yaad kiyā

    dil ki choTon ne kabhi chain se rahne na diya

    jab chali sard hawa main ne tujhe yaad kiya

    Josh Malihabadi

    ilaaj apnā karāte phir rahe ho jaane kis kis se

    mohabbat kar ke dekho nā mohabbat kyuuñ nahīñ karte

    ilaj apna karaate phir rahe ho jaane kis kis se

    mohabbat kar ke dekho na mohabbat kyun nahin karte

    Farhat Ehsas

    tum phir usī adā se añgḌā.ī le ke hañs do

    aa jā.egā palaT kar guzrā huā zamāna

    tum phir usi ada se angDai le ke hans do

    aa jaega palaT kar guzra hua zamana

    Shakeel Badayuni

    tumhārā naam aayā aur ham takne lage rasta

    tumhārī yaad aa.ī aur khiḌkī khol dī ham ne

    tumhaara nam aaya aur hum takne lage rasta

    tumhaari yaad aai aur khiDki khol di hum ne

    Munawwar Rana

    utar bhī aao kabhī āsmāñ ke ziine se

    tumheñ ḳhudā ne hamāre liye banāyā hai

    utar bhi aao kabhi aasman ke zine se

    tumhein KHuda ne hamare liye banaya hai

    Bashir Badr

    ai junūñ phir mire sar par vahī shāmat aa.ī

    phir phañsā zulfoñ meñ dil phir vahī aafat aa.ī

    ai junun phir mere sar par wahi shamat aai

    phir phansa zulfon mein dil phir wahi aafat aai

    Aasi Ghazipuri

    kisī sabab se agar boltā nahīñ huuñ maiñ

    to yuuñ nahīñ ki tujhe sochtā nahīñ huuñ maiñ

    kisi sabab se agar bolta nahin hun main

    to yun nahin ki tujhe sochta nahin hun main

    Iftikhar Mughal

    ik khilaunā TuuT jā.egā nayā mil jā.egā

    maiñ nahīñ to koī tujh ko dūsrā mil jā.egā

    ek khilauna TuT jaega naya mil jaega

    main nahin to koi tujh ko dusra mil jaega

    Adeem Hashmi

    maiñ har haal meñ muskurātā rahūñgā

    tumhārī mohabbat agar saath hogī

    main har haal mein muskuraata rahunga

    tumhaari mohabbat agar sath hogi

    Bashir Badr

    sirf us ke hoñT kāġhaz par banā detā huuñ maiñ

    ḳhud banā letī hai hoñToñ par hañsī apnī jagah

    sirf us ke honT kaghaz par bana deta hun main

    KHud bana leti hai honTon par hansi apni jagah

    Anwar Shuoor

    dil meñ tūfān ho gayā barpā

    tum ne jab muskurā ke dekh liyā

    dil mein tufan ho gaya barpa

    tum ne jab muskura ke dekh liya

    Unknown

    pyaar kā pahlā ḳhat likhne meñ vaqt to lagtā hai

    na.e parindoñ ko uḌne meñ vaqt to lagtā hai

    pyar ka pahla KHat likhne mein waqt to lagta hai

    nae parindon ko uDne mein waqt to lagta hai

    Hastimal Hasti

    jahāñ meñ hone ko ai dost yuuñ to sab hogā

    tire laboñ pe mire lab hoñ aisā kab hogā

    jahan mein hone ko ai dost yun to sab hoga

    tere labon pe mere lab hon aisa kab hoga

    Shahryar

    dekhūñ tire hāthoñ ko to lagtā hai tire haath

    mandir meñ faqat diip jalāne ke liye haiñ

    dekhun tere hathon ko to lagta hai tere hath

    mandir mein faqat dip jalane ke liye hain

    Jaan Nisar Akhtar

    dekho ye kisī aur kī āñkheñ haiñ ki merī

    dekhūñ ye kisī aur kā chehra hai ki tum ho

    dekho ye kisi aur ki aankhen hain ki meri

    dekhun ye kisi aur ka chehra hai ki tum ho

    Ahmad Faraz

    mahak rahī hai zamīñ chāñdnī ke phūloñ se

    ḳhudā kisī kī mohabbat pe muskurāyā hai

    mahak rahi hai zamin chandni ke phulon se

    KHuda kisi ki mohabbat pe muskuraya hai

    Bashir Badr

    ham to samjhe the ki barsāt meñ barsegī sharāb

    aa.ī barsāt to barsāt ne dil toḌ diyā

    showers of wine, I did think, would come with rainy clime

    but alas when it did rain my heart broke one more time

    hum to samjhe the ki barsat mein barsegi sharab

    aai barsat to barsat ne dil toD diya

    showers of wine, I did think, would come with rainy clime

    but alas when it did rain my heart broke one more time

    Sudarshan Faakhir

    shaam hote hī charāġhoñ ko bujhā detā huuñ

    dil hī kaafī hai tirī yaad meñ jalne ke liye

    sham hote hi charaghon ko bujha deta hun

    dil hi kafi hai teri yaad mein jalne ke liye

    Unknown

    qabroñ meñ nahīñ ham ko kitāboñ meñ utāro

    ham log mohabbat kī kahānī meñ mareñ haiñ

    qabron mein nahin hum ko kitabon mein utaro

    hum log mohabbat ki kahani mein maren hain

    Ejaaz tawakkal
    Rekhta
    DONATE TO REKHTA

    SEARCH NOW FROM 30,000+ GHAZALS, 20,000+ SHER, 40,000+ E-BOOKS AND A LOT MORE

    QUICK-SUGGESTIONS BASED ON YOUR INPUT

    VIEW ALL RESULTS